Xəbərlər

Azərbaycan Respublikası Dövlət Neft Fondu (ARDNF) Asiya İnkişaf Bankı ilə Azərbaycanda hasilat sənayesində şəffaflığın təmin edilməsini müzakirə edib.

Dövlət Neft Fondunun ictimaiyyətlə əlaqələr departamentindən 1news.az-a verilən məlumata görə, müzakirələr sentyabrın 18-də ARDNF-in icraçı direktorunun müavini İsrafil Məmmədov ilə Asiya İnkişaf Bankının (AİB) İcraçı Direktoru Metyu Foksun rəhbərlik etdiyi nümayəndə heyəti arasında keçirilən görüşdə aparılıb.

Görüşdə ARDNF-in fəaliyyəti, vəsaitlərin idarə edilməsi, investisiya siyasəti, Azərbaycanda hasilat sənayesində şəffaflığın təmin edilməsi və hesabatlılıq istiqamətində görülən işlər barədə məsələlər müzakirə edilib.

Nümayəndə heyəti Fondun muzeyi ilə tanış olub.

1news.az