Xəbərlər

2018-ci ildə neftin orta qiyməti bir barrel üçün 40-43 dollar olacaq.

1news.az xəbər verir ki, bunu "Rosneft " şirkətinin baş icraçı direktoru İqor Seçin “Rusiya 24” ə müsahibəsində deyib.

Onun sözlərinə görə, ən mühüm amillərdən biri şist neft hasilatı ilə yanaşı, ABŞ-da maliyyə alətlərinin qiymətlərə böyük təsiridir.

Devalvasiyanın indi təxminən 20 faiz təşkil etdiyini deyən Seçin vurğulayıb ki, müvafiq əmsallara nəzər yetirəndə, ABŞ-da real qiymətlərin olduğunu görəcəksiniz, 40 dollar (barrel üçün).

Daha əvvəl Rusiyanın enerji naziri Aleksandr Novak 2018-ci ildə neftin qiymətinin bir barrel üçün 45-55 dollar səviyyəsində olacağı proqnozunu irəli sürüb.

İqtisadi İnkişaf Nazirliyi isə öz növbəsində gələn ilin birinci rübündə qiymətlərin sabit qalacağını, daha sonra azalmağa başlacağını ehtimal edir.

Sentyabr ayında neftin bir bareli 52-54 dollar arasında dəyişir.

P.Sultanova