Xəbərlər

Ani eşitmə itkiləri zamanı ilk üç gün ərzində müdaxilə edilmədikdə, qalıcı karlığa çevrilə bilər.

Bu barədə AZƏRTAC-a Respublika Müalicəvi Diaqnostika Mərkəzindən  bildiriblər.

Qeyd edək ki, eşitmə pozuntularının və eşitmə ilə əmələ gələn problemlərin bir sıra səbəbləri ola bilər. Bunlara qulaq seyvanın olmaması, xarici qulaq yolunun anadangəlmə qapalı olması, qulaq pərdəsinin zədələnməsi, qulaq pərdəsinin çökməsinə səbəb olan xəstəliklər, yüksəs səs travmaları, eşitmə sinirinin problemləri, eşitmə siniri və beyindəki eşitmə mərkəzinin xəstəlikləri kimi bir sıra problemlər aiddir.

Eşitmə ilə əlaqəli yaranan pozuntular dərman müalicəsi evə ya cərrahi müdaxilə ilə aradan qaldırıla bilər.

Orta qulağın xroniki iltihabı, qulaq pərdəsi və sümükcüklərin problemləri zamanı cərrahi müalicə aparılır. Əməliyyatın müvəffəqiyyəti qulaq strukturlarının zədələnmə dərəcəsi ilə mütənasibdir. Əsasən uşaqlarda rast gəlinən və qulaq pərdəsinin çökməsinə səbəb olan orta qulaq xəstəliklərində, qulaq pərdəsinə kiçik borucuq taxmaqla müalicə edilir.

1news.az