Xəbərlər

Polis əməkdaşları həyətində çətənə kolu yetişdirən şəxsləri saxlayıblar.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, Siyəzən RPŞ əməkdaşlarının daxil olan məlumat əsasında keçirdikləri əməliyyat tədbirləri ilə şəhər sakini Həsrət Kərimovun həyətyanı sahəsindən kultivasiya yolu ilə yetişdirilmiş 7 ədəd çətənə kolu aşkar edilərək götürülüb.

Bundan başqa İsmayıllı RPŞ əməkdaşlarının daxil olan məlumat əsasında keçirdikləri əməliyyat tədbirləri nəticəsində Yenikənd kənd sakinləri Bəxtiyar Bəbirova məxsus həyətyanı sahədən 4 ədəd, Mustafa Həkimova məxsus həyətyanı sahədən isə 37 ədəd kultivasiya yolu ilə yetişdirilmiş çətənə kolu aşkar edilərək götürülüb.

Babək Cahandarov