Xəbərlər

Gömrükçülər avtomobildə xeyli miqdarda siqaret aşkarlayıblar.

1news.az-ın Dövlət Gömrük Komitəsinə istinadən verdiyi xəbərə görə, Bakı Baş Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında, Azərbaycan Respublikasının vətəndaşı Həsənov Kazım Bahadır oğluna məxsus “Mitsubishi Pajero” markalı, 10-HF-066 dövlət nömrə nişanlı avtomobilə gömrük baxışı keçirilib.

Yoxlama zamanı, həmin nəqliyyat vasitəsinin yük yerində, üzərində Azərbaycan Respublikasının aksiz markası olmayan, Rusiya, Ukrayna, ABŞ və digər ölkələrin istehsalı olan cəmi 73 min 340 ədəd müxtəlif adda siqaret aşkarlanıb.

Faktla bağlı araşdırma aparılır.

Babək Cahandarov