Xəbərlər

Filippin prezidenti Rodriqo Duterte Şimali Koreya lideri Kim Çen İni  "axmaq" və "əclaf" adlandırıb.

1news.az RİA Novosti-yə istinadla xəbər verir ki, prezident Manilada keçiriləcək və Şimali Koreyanın xarici işlər nazirinin də iştirak edəcəyi ASEAN sammiti ərəfəsində belə açıqlama ilə çıxış edib.

O deyib ki, Şimali Koreya lideri özünü yaxşı göstərmək istəyir: "Ancaq o, əclafdır. Əgər səhvə yol versə, Uzaq Şərq quru ərazilərə çevriləcək. Bunu dayandırmaq lazımdır, bu, nüvə müharibəsidir”.

Kim Çen İnin təhlükəli oyuncaqlarla oynadığını bildirən Fillipin prezidenti, regiondakı münaqişənin təhlükələri ilə bağlı da xəbərdarlıq edib. Onun sözlərinə görə, qarşıdurma torpaqların və resursların tükənməsinə səbəb ola bilər.

Qeyd edək ki, Cənub-Şərqi Asiya Dövlətləri Assosiasiyasının(ASEAN) illik konfransı avqustun əvvəlində xarici işlər nazirlərinin iştirakı ilə Manilada keçiriləcək. Bu, Şimali Koreyanın xarici işlər nazirinin qatıldığı azsaylı beynəlxalq tədbirlərdən biridir.

P.Sultanova