Xəbərlər

Londondakı “Grenfell Tower”da baş vermiş güclü yanğında ölənlərin sayı 12-ə çatıb.

Bu barədə 1news.az TASS-a istinadla xəbər verir.

Yanğın nəticəsində xəsarət alanların sayı 69 nəfərə çatıb. Hadisə zamanı yaşayış binasında təqribən 400-600 sakin olub.  

Qeyd edək ki, bu gün Londonun qərbində  24 mərtəbəli binada güclü yanğın baş verib.

Güclü yanğın zamanı binanın 10-cu mərtəbəsindən bir qadın uşağı aşağı buraxmaq məcburiyyətində qalıb. Körpə vətəndaşlar tərəfindən tutularaq xilas edilib. Ümumiyyətlə xeyli sayda insan yanğın zamanı binadan özünü aşağı atmağa cəhd göstərib.

Yanğının səbəbləri araşdırılır.

1news.az