Xəbərlər

Səbail Rayon İcra Hakimiyyətinin təşəbbüsü və təşkilatçılığı ilə rayonda keçirilən “Əhali ilə aktiv gürüşlər aylığı” davam edir.

1news.az-ın məlumatına görə, aylıq çərçivəsindəki növbəti görüş rayonun Badamdar qəsəbəsində baş tutub. Rayon rəhbərliyi, rayonun hüquq-mühafizə orqanlarının, təsərrüfat və digər xidmətlərin rəhbərlərinin, idarə və təşkilatların, təhsil və səhiyyə müəssisələrinin, gənclərin və ictimaiyyət nümayəndələrinin, qəsəbə ağsaqqalları və din xadimlərimlərinin iştrakı ilə 236 saylı orta məktəbdə baş tutan görüş ənənəvi olaraq açıq mikrofon formatında keçirilib.

Səbail Rayon İcra Hakimiyyətinin başçısı Eldar Əzizov sakinləri salamlayıb, görüşün əsas məqsədinin ölkə Prezildenti İlham Əliyevin rəhbərliyi ilə son illərdə ölkədə həyata keçirilən irimiqyaslı quruculuq-abadlıq işləri, əldə olunan nailiyyətlər barədə əhaliyə ətraflı məlumat vermək və həmçinin qəsəbə sakinlərinin müraciətlərinin dinləmək, istək və təkliflərinin yaxından öyrənilmək olduğunu bildirib, eyni zamanda ölkənin birinci vitse-prezidenti Mehriban xanım Əliyevanın da Azərbaycanın inkişafı və dünyada tanınmasındakı rolundan danışılıb.

E.Əzizov Prezident İlham Əliyevin tapşırıq və sərəncamlaına əsasən rayonda və o cümlədən Badamdar qəsəbəsində görülən abadlıq-quruculuq işləri  barədə ətraflı məlumat verərək ulu öndər Heydər Əliyevin siyasi kursunun layiqli davamçısı olan İlham Əliyevin ən yeni tarixin parlaq şəxsiyyəti olduğunu bildirib.

Tədbirdə çıxış edən Badamdar qəsəbə nümayəndəsi Zaur Əliyev, qəsəbə sakinləri Baba Bayramov, Qafqaz Müsəlmanları İdarəsi sədrinin İçəri şəhər üzrə səlahiyyətli nümayəndəsi, “Cümə məscidi” dini icmasının  sədri, axund hacı Surxay Məmmədli, IV İslam Həmrəyliyi Oyunlarının qalibi Rüfət Gülalıyev və başqaları son illərdə ölkə başçısının rəhbərliyi altında həyata keçirilən siyasət nəticəsində əldə olunan nailiyyətlərdən danışıblar.

Görüşdə zalda quraşdırılmış mikrofonlar vasitəsi ilə 30-a yaxın sakinin təbii qaz, içməli su təchizatı, yolların vəziyyəti, məşğulluq, məktəbəqədər təhsil müəssisələri, qəsəbədə fərdi və çoxmərtəbəli evlərin tikintisi, sosial müdafiə, “Abad məhəllə” layihəsinin davam etdirilməsi və s. məsələlərlə bağlı verdikləri suallar dinlənilib, bu sualları ətraflı cavablandıran icra başçısı əhalinin problemlərinin həlli və sosial rifahının yaxşılaşdırılması istiqamətində həyata keçirilən tədbirləri xüsusi vurğulayaraq geniş müzakirələr aparıb. 

Babək Cahandarov