Xəbərlər

“Ceyms Bond” rolunun məşhur ifaçısı, britaniyalı aktyor Rocer Mur 89 yaşında vəfat edib.

1news.az-ın məlumatına görə, bu barədə aktyorun rəsmi “Tvitter” səhifəsində məlumat veriblər. Xərçəng xəstəliyindən əziyyət çəkən R.Mur İsveçrədə dünyasını dəyişib.

Qeyd edək ki, R.Mur 1927-ci ildə anadan olub. O, daha çox Ceyms Bond haqqında lentə alınan filmlərin qəhrəmanı kimi tanınırdı.

Aktyor “Yaşa və ölməyə imkan ver” (1973), “Qızıl tapançalı insan” (1974), “Məni sevən casus” (1977), “Ay yarışçısı”, (1979), “Yalnız sənin gözlərin üçün” (1981) və “Öldürməyə baxış” (1985) filmlərində müxtəlif obrazlar yaradıb.

Babək Cahandarov