Xəbərlər

Dövlət Dəniz Administrasiyasında  “Elektron hökumət” portalının imkanları və istifadəsi ilə bağlı dənizçilər arasında maarifləndirmə tədbiri keçirilib.

1news.az-ın məlumatına görə, maarifləndirmə tədbiri, ölkə Prezidentinin 2016 – ci il 27 aprel tarixli, 1993 nömrəli Sərəncamı ilə təsdiq edilmiş “Açıq hökumətin təşviqinə dair 2016 – 2018 – ci illər üçün Milli Fəaliyyət Planı”nda nəzərdə tutulan tədbirlərin icrası üzrə Dövlət Dəniz Administrasiyasının 2017 – ci il iş planına uyğun olaraq keçirilib.

Tədbirdə Dövlət Dəniz Administrasiyasının rəsmi internet səhifəsindən rahat və düzgün istifadə qaydaları izah olunub. Dənizçilərə, Dövlət Dəniz Administrasiyasının rəsmi internet səhifəsində göstərilən və daim işlək olan 17  elektron xidmət barədə məlumat verilib. Bütün xidmətlərin elektron hökumət portalına inteqrasiya olunması və real vaxt üzrə işləməsi diqqətə çatdırılıb.

Maarifləndiurmə tədbirində, hökumət portalından isifadə edərək qeydiyyatdan keçən iştirakçılar elektron imza və istifadəçi adını əldə etmə qaydalarından yararlanıblar.

Daha sonra iştirakçılar Administrasiyanın rəsmi internet səhifəsinə daxil olaraq aidiyyatı sualları ünvanlamaq üçün saytda daim aktiv olan “Bizimlə Əlaqə” bölməsinin real istifadə imkanları ilə yaxından tanış olublar.

Maraqlı müzakirələrlə davam edən maarifləndirmə tədbirində bütün suallar ətraflı cavablandırılıb.

Babək Cahandarov