Xəbərlər

Böyük Britaniyanın keçmiş baş naziri Toni Bleyr(1997-2007)  Brexitə görə siyasətə qayıdır.

1news.az xəbər verir ki, bu barədə Bleyr   “The Mirror” nəşrinə müsahibəsində deyib.

Onun sözlərinə görə,  Brexit  aktiv siyasətdə iştirakı üçün birbaşa motivasiya oldu. 63 yaşlı sabiq baş nazir hesab edir ki, Avropa İttifaqından çıxması Britaniya üçün çox çətin olacaq.

Bu ilin fevralında Toni Bleyr ölkəsinin Aİ-də qalmasını dəstəklədiyini bəyan edərək, xalqının “Brexit” qərarını dəyişmək hüququnun olduğunu bəyan edib. 

Xatırladaq ki, Böyük Britaniyanın Aİ-dən çıxmasını nəzərdə tutan referendum ötən il iyunun 23-də keçirilib. Bu il martın 29-da Britaniya baş naziri Tereza Mey Aİ rəhbərliyini “Brexit”lə bağlı prosedurun başladığına dair rəsmi məktub göndərib. Ölkənin Aİ-dən çıxması 2019-cu ilin martına nəzərdə tutulub.

Pərvanə Sultanova