Xəbərlər

Türkmənistan prezidenti Qurbanqulu Berdiməhəmmədov Türkmən atı şərəfinə təşkil olunan cıdır yarışında iştirak edərək qalib olub.

1news.az “Ria Novosti”yə istinadən  xəbər verir, 1,2 kilometr məsafəyə at yarışında prezidentdən başqa 6 çapar da qələbə üçün mübarizə aparıb.

Q. Berdiməhəmmədov məsafəni 1 dəqiqə 25 saniyəyə qət edərək qələbə qazanıb və yarışın mükafatına “Toyota Land Cruiser Prado” avtomobilinə layiq görülüb. Lakin o, atçıların ehtiyaclarını nəzərə alaraq maşının açarını kənd təsərrüfatı məsələləri üzrə vitse-prezident Esenmurad Orazgeldıyevə təqdim edib.

İppodromun direktoru bildirib ki, prezidentin Miras adlı axaltəki atını dövlət başçısının nəvəsi Kərimqulu Berdiməhəmmədov bəsləyib və yarışa hazırlayıb.

1news.az