Xəbərlər

Dünya Karate Arenasının ən tanınmış simalarından biri, yeganə beşqat dünya çempionu, dəfələrlə Avropa və digər yarışların birincisi - həmyerlimiz Rafael Ağayev bu ildən avtomobil dünyasının nəhəngi olan Volkswagen AG-nin Azərbaycanda ulduz səfiri (brand ambassador) olub.

Rəsmi sima olaraq, o, brendin dünya üzrə və ölkəmizdə keçirilən sınaq yürüşlərində, avtomobil yarışlarında, təqdimat və digər tədbirlərində Volkswagen Azərbaycan adından iştirak edəcək. Yerli idxalçı “Euro Style LTD” MMC-nin Marketinq bölməsinin rəhbəri Fərid Abdullayev bu xəbəri belə şərh edib:

“Çox şadıq ki, Volkswagenin Azərbaycanda da rəsmi siması təsdiqləndi. Həmin sima fəxrimiz Rafael Ağayev seçildi. Bunun əsas səbəbi, xitab etdiyimiz dəyərlərin və Rafaelin tərzinin brendlə həmahəng olmasıdır. Əminik ki, hər iki tərəf üçün bu, doğru seçimdir və ali məqsədimiz qarşılıqlı uğurların əldə olunmasıdır.

Hər kəs kimi Rafaeldən yeni uğurlar, qələbələr gözləyirik. May ayında keçiriləcək İslam oyunlarında ona yalnız birincilik arzu edirik və 2020-ci ildə Tokyoda keçiriləcək Yay Olimpiya oyunlarından Vətənə karate üzrə ilk olimpiya qızılı ilə qayıtmasını diləyirik.

Artıq Rafael ilə ilk video-çarxı çəkmişik. Bunu tezliklə sosial mediada, televiziya kanallarında, kinoteatrlarda və daha böyük portallarda görə biləcəksiniz. Bu video-çarx öyrəşdiyimiz standart reklamlardan deyil, fərqli təqdimatda və Rafaelin bir növ uğur tərzini təsvir edən müvəffəqiyyətli işimiz oldu”.

Karate ulduzu da öz növbəsində bu əməkdaşlıqdan məmnunluğunu bildirib. Onun sözlərinə görə, alman brendləri ilə ilk əməkdaşlığı deyil, hal-hazırda məşhur Adidas firmasının da karatedə dünya üzrə rəsmi simasıdır.

“Volkswagen qrupuna aid olan bir neçə avtomobilin sahibi olmuşam və hal-hazırda yeni Passat sürürəm. Avtomobil gözlədiyimdən də üstündür... Tam səmimi deyirəm, əsl alman avtomobili xarakterini yaşadır və xarkterlərimizin bir çox mənada üst-üstə düşdüyünə görə məhz bu markanın ulduz səfiri olmağıma razılıq verdim”.

“Euro Style Ltd” şirkəti Volkswagen AG-nin Azərbaycanda yeganə eksklüziv idxalçısıdır. Fəaliyyət sahəsi Volkswagen markalı bütün sərnişin ve kommersiya avtomobillərinin satışı və servis xidmətindən ibarətdir.

Əlaqə telefonları:

Avtomobil satışı: *7788; (+99412) 555-77-88; (+99455) 555-77-88;

Satışdan sonra xidmət (servis): *5588; (+99412) 514-58-58

Ünvan: Babək pr., 35A

E-mail: [email protected]

www.volkswagen.az

Reklam hüququnda