Xəbərlər

Kişilər arasında keçirilən Basketbol üzrə 24-cü Respublika Çempionatına yekun vurulub. Aprelin 8-də baş tutan final qarşılaşmasında McDonald’s Azərbaycan-ın dəstəklədiyi NTD komandası bütün rəqiblərinə qalib gələrək çempionatın ən yüksək tituluna – respublika çempionu olub.

Əsasən 18-20 yaşlılardan ibarət olan NTD komandası 2001-ci ildən Respublika və beynəlxalq turnirlərdə öz güclərini sınayıb və bir sıra beynəlxalq turnirlərin qalibi olub. Komandanın baş məşqçisi Tahir Baxşıyev də vaxtilə bu komandada oyunçu kimi oynamış və hal-hazırda komandaya rəhbərlik edir. Tahir Baxşıyevin sözlərinə görə, komandanın gözəl uğurları və çempionluq tituluna yenidən yüksəlməsi çox qürurvericidir:

“Bizim növbəti hədəflərimiz ölkəmizi beynəlxalq turnirlərdə təmsil etmək və bayrağımızı yüksəklərdə dalğalandırmaqdır”.

NTD komandası 16 il ərzində Respublika Çempionatında 10 dəfə çıxış edib və bunlardan 7 dəfə respublika çempionu olub. Qalib gələn komandanın 20 yaşlı oyunçuları ilk dəfə olaraq ölkəmizi bu il Rumıniyada keçirilən Avropa Çempionatında təmsil edəcəklər. Avropa Çempionatında  komandanın rəqibləri Rusiya, Hollandiya, İngiltərə və Slovakiya komandaları olacaq. NTD komandası yeniyetmələrlə bərabər, 15-16 yaşlı basketbol komandası da fəaliyyət göstərir ki, bu da ölkəmizdə uşaq idmanın xoş gələcəyinin olmasının bariz nümunəsidir.

McDonald’s şirkəti daima idmana dəstək verməklə ictimai həyatda aktiv iştirak edir. McDonald’s şirkəti bir sıra dünya və beynəlxalq idman oyunlarına dəstək verməklə hər zaman idmanı və aktiv həyatı dəstəkləyir.

Reklam hüququnda