Xəbərlər

Xalq artisti Aygün Kazımova “Daf Bama Music Awards - 2017” mükafatlandırma mərasimində iştirak edəcək.

“Daf Bama Music Awards” mükafatı Daf Entertainment şirkəti tərəfindən dünya artistlərinə musiqi sahəsində qazandıqları uğura görə verilir. Hər il Almaniyada keçirilən bu mükafata namizəd olanlar arasında Azərbaycandan A.Kazımovanın da adı salınıb.

A.Kazımova 2016-cı ildə Almaniyanın Hamburq şəhərində keçirilən mükafatlandırma mərasimində “Azərbaycanın ən yaxşı qadın sənətçisi” (Best Azerbaijani Female Act ) mükafatına layiq görülüb.

A.Kazımovadan başqa “Daf Bama Music Awards” mükafatına Vera Brejneva, Serqey Lazarev, İnna, Murad Boz, Çeb Xaled, Sofiya Nijaradze və digərlərinin də namizədliyi irəli sürülüb.

Mükafatlandırma mərasimin keçirilməsinin dəqiq vaxtı və yeri yaxın günlərdə diqqətə çatdırılacaq.