Xəbərlər

ABŞ hərbçiləri hesab edirlər ki, Şimali Koreya tərəfindən ballistik raket buraxılışı uğursuz alınıb.

1news.az Azərtac-a istinadən xəbər verir ki, bu barədə RİA Novosti agentliyi məlumat yayıb.

Raket yerli vaxtla saat 7:55-də Pxyonan-Pukto əyalətindən buraxılıb. Cənubi Koreya hərbçilərinin verdiyi məlumata görə, raket 500 kilometr məsafə qət edərək Yapon dənizinə düşüb. Tokio raketin Yaponiyaya aid iqtisadi zonaya daxil olmadığını bildirir.

Buraxılan raketin orta mənzilli “Musudan” və ya kiçik mənzilli “Nordon” tipli raket olduğu ehtimal olunur.

1news.az