Xəbərlər

Əfqanıstanın Qəndahar şəhərində törədilən terror aktı nəticəsində Birləşmiş Ərəb Əmirliklərinin (BƏƏ) beş diplomatı həlak olub.

Çərşənbə günü yaydığı məlumata görə, partlayış Qəndahar vilayəti qubernatorunun qonaq evində törədilib.

Xatırladaq ki, dünən iki intiharçı-terrorçu Əfqanıstan parlamentinin binası qarşısında özünü partladıb. Məsuliyyətini Taliban hərəkatının üzərinə götürdüyü terror hücumları nəticəsində azı 38 nəfər həlak olub, 70 nəfər yaralanıb. Qəndaharda törədilmiş partlayış isə 11 nəfərin həyatına son qoyub. Yaralanan 18 nəfər arasında BƏƏ-nin Əfqanıstandakı səfirinin və vilayət qubernatorunun da olduğu bildirilir.

Terror aktı yerli administrasiyanın binasında görüş keçirilən vaxt törədilib. Hələlik heç bir qruplaşma bu hadisəyə görə məsuliyyəti üzərinə götürməyib.

Associated Press