Xəbərlər

Qobustan rayonunda ölümlə nəticələnən yanğın baş verib.

1news.az Daxili İşlər Nazirliyinin saytına istinadən xəbər verir ki, dekabrın 11-də saat 20 radələrində Qobustan rayonunun Poladlı kəndində yaşayan Xalıqverdi Mirzəyevin evində yanğın baş verib.

Nəticədə evin yanar konstruksiyaları və oradakı əşyalar yanmış, yanğın söndürüldükdən sonra X.Mirzəyevin yanmış meyiti tapılıb.

Bundan başqa, dekabrın 12-də saat 01 radələrində Füzuli rayonunun Alxanlı kəndində yaşayan Ağaxan Məmmədovun evində yanğın baş verib. Nəticədə evin yanar konstruksiyaları və oradakı əşyalar yanıb, yanğın söndürüldükdən sonra A.Məmmədovun tüstüdən boğulmuş meyiti tapılıb.

Hər iki faktla bağlı araşdırma aparılır.

1news.az