Xəbərlər

Şamaxıda şagirdlər siniflərdə gödəkçə ilə oturub, çantalarını açmağa belə ərinirlər. Səbəb siniflərin soyuq olmasıdır.

1news.az “Xəzər TV”yə istinadən xəbər verir ki, qış havası dağlıq rayonlarda xüsusilə də məktəblərdə istilik problemini aktuallaşdırıb.

Şaxtalı havanın hökm sürdüyü Şamaxıda bəzi məktəblərdə istilik sistemi qaydasında deyil. Şamaxı şəhəri 9 saylı orta məktəbdə siniflərin soyuq olması uşaqların davamiyyətinə mənfi təsir edir.

Məktəbin direktoru Xasay İsayev bildirir ki, məktəbi istiliklə təmin edən qazanxanada problem var.

Ümumilikdə Şamaxıda 71 təhsil ocağı var ki, onlardan 3 məktəb mərkəzləşdirilmiş qazanxana ilə isdilir. Qalanları 16-sı qazla, 9-u dizel yanacağı, 2-si elektirik cihazları ilə qızdırılır. Rayonda 42 məktəb odunla qızdırılır.

Mövzu ilə bağlı daha ətraflı videomaterialı təqdim edirik:

1news.az