Xəbərlər

Bakıda ağır qəza baş verib və avtomobil iki yerə bölünüb.

1news.az-ın xezerxeber.az-a istinadən verdiyi məlumata görə, hadisə Xətai rayonu, Afiyəddin Cəlilov küçəsində baş verib.

Küçə ilə üzü Nobel prospekti istiqamətində yüksək sürətlə hərəkətdə olan avtomobilin təkərlərindən biri partlayıb.

Elvin adlı sürücü idarəetməni itirib və avtomobil müşahidə kamerasının olduğu dirəyə çırpılıb. Nəticədə avtomobil iki hissəyə bölünüb. Hadisə zamanı sürücü və onun yanında əyləşən bir sərnişin xəsarət alıb.

Əraziyə dərhal təcili tibbi yardım çağırılıb. Yaralılar xəstəxanaya çatdırılıb. Qəza nəticəsində həmçinin yolda uzun tıxac da yaranıb.

İlkin məlumata görə, qəzaya yüksək sürət səbəb olub. Faktla bağlı araşdırma aparılır.

1news.az