Xəbərlər

Salyanın Boranıkənd kənd tam orta məktəbinə yeni qaz xətti çəkilir.

Bu təhsil ocağının 2-3 il əvvəl istifadəyə verilməsinə baxmayaraq, məktəbə ayrıca qaz xətti çəkilmədiyindən istilik sistemini işə salmaq mümkün olmayıb. Bu səbəbdən də qış aylarında sinif otaqlarının normal istiliklə təmin olunmasında müəyyən problemlər yaranırdı. Bu çətinlikləri aradan qaldırmaq üçün məktəbə 2 kilometr uzunluğunda qaz xəttinin çəkilişinə başlanılıb. Artıq xəttin 400 metri çəkilib. Yaxın günlərdə işlər başa çatdırılaraq qaz xətti qazanxanaya qoşulacaq.

Rayon təhsil şöbəsindən verilən məlumata görə, Boranıkənd kənd orta məktəbində işlər başa çatdırıldıqdan sonra 6 və 9 nömrəli şəhər, həmçinin Dayıkənd kənd və Qaraçala qəsəbə tam orta məktəblərində də qaz xətləri qazanxanalara birləşdiriləcək.

AZƏRTAC