Xəbərlər

Gələn ilin mart ayından Bakıda fəaliyyət göstərən taksilərdə GPS, taksometr və naviqasiya aparatlarının quraşdırılması prosesinə başlanılacaq.

1news.az-ın verdiyi xəbərə görə, bu barədə Bakı Nəqliyyat Agentliyinin İctimaiyyətlə əlaqələr şöbəsinin müdiri Nuridə Allahyarova bildirib.

N.Allahyarovanın sözlərinə görə, mart ayından taksilərin ilkin siyahısı müəyyən olunacaq:

“Mart ayından müəyyən ediləcək ki, birinci hansı aparatlar, hansı taksilərə quraşdırılsın”.

N.Allahyarova qeyd olunan aparatların kimin hesabına quraşdırılması məsələsinin gələcəkdə müzakirə olunacağını bildirib.

“Bu cihazlar vasitəsilə taksilərin ümumi fəaliyyətinə nəzarət etmək mümkün olacaq. Cihazlar həm də ona görə quraşdırılır ki, taksilər yüksək texnologiyalardan istifadə etməklə sərnişinlərə normal xidmət göstərsinlər”.

1news.az