Xəbərlər

Azərbaycan Respublikası Prezidenti yanında Gənclər Fondunun maliyyə dəstəyi ilə və Azərbaycan Futuroloqlar Cəmiyyətinin - Minilliyin Layihəsinin Azərbaycan nümayəndəliyinin tərəfdaş olduğu «Gələcəyin mütəxəssisləri Azərbaycan 2025 - Gələcəyə baxış» adlı layihəsi çərçivəsində Azərbaycan Texniki Universitində elmi-praktiki konfrans keçirilib.  

1news.az-a AzTU-nun İctimaiyyətlə əlaqələr şöbəsindən verilən xəbərə görə, «Gələcəyin mütəxəssisləri Azərbaycan 2025 - Gələcəyə baxış» layihəsi çərçivəsində  Azərbaycan Texniki  Universitetinin SABAH qrupları üçün nəzərdə tutulmuş konfransı AzTU-nun Elm və texnika üzrə prorektoru, professor İlham Pirməmmədov açıq elan etdi və tədbir iştirakçılarına uğurlar arzu etdi. Digər çıxış edən SABAH İcra Komitəsinin rəhbəri Şahin Seyidzadə  gələcəyin araşdırılmasının vacibliyinə və “SABAH” qruplarında təhsil alan tələbələrin proqnozlaşdırma üzrə xüsusi tədqiqatlara cəlb edilməsi və məhz yaxın və orta gələcəyin görüntüləri üzərində qurulmasına diqqəti çəkdi.

Konfransın davamında Minilliyin Layihəsinin direktoru Cerom Qlenın məruzəsi dinlənildi. Sonra Azərbaycan Texniki Universitetinin SABAH mərkəzinin tələbələr tərəfindən seçilmış  nümayandəsi çıxışını təqdim etdi.

Konfransın sonunda "GoldenPay" şirkətinin qurucusu və idarə heyətinin sədri, Azərbaycan Futuroloqlar Cəmiyyətinin ekspert şurasının üzvü  Fərid İsmayılzadənin məruzəsi dinlənildi. Konfrans öz işini tədbirdə iştirak edən ekspertlərə və SABAH İcra Komitəsinin rəhbəri Şahin Seyidzadə suallarla yekunlaşdırdı.

«Gələcəyin mütəxəssisləri  Azərbaycan 2025 - Gələcəyə baxış” layihəsinin  məqsədi Minilliyin Layihəsinin təmsilçiləri, dünya səviyyəli strateji proqnozlaşdırma üzrə ekspertlərlə fikir mübadiləsi və müzakirələrin  köməyilə tələbələr tərəfindən Azərbaycanın inkişafı mövzusunda yeni təklifləri və konsepsiyaları müəyyən edilmişdir.  Layihə 11 noyabr  2016-cı il Azərbaycan  Dövlət İqtisad Universitetində (UNEC), 16 noyabr Azərbaycan Dövlət Neft və Sənaye Universitetində və 21 noyabr Azərbaycan Texniki Universitetində SABAH qrupları üçün elmi-praktiki konfranslar həyata keçirib.

1news.az