Xəbərlər

7-18 noyabr tarixlərində Avstriyada Vyana Beynəlxalq Mərkəzinin (VBM) Sənətlər Klubunun prezidenti Raymond Naderin və Atom enerjisi üzrə Beynəlxalq Agentliyinin aparıcı əməkdaşı Bəxtiyar Siracovun vasitəçiliyi ilə Azərbaycan Rəssamlar İttifaqının və Azərbaycan Karikaturaçı Rəssamlar Birliyinin üzvü Bəhram Bağırzadənin yaradıcılığına həsr edilmiş sərgi keçiriləcək.

Sərgidə B.Bağırzadənin çəkdiyi karikaturalar və Bakının əks olunduğu fotolar sərgilənəcək. Vyana Beynəlxalq Mərkəzi üçün bu sərgi bir ilk olacaq. Belə ki, bu mərkəzdə indiyə qədər karikaturalardan ibarət sərgi keçirilməyib. Bəhram Bağırzadənin VBM tarixində yeni səhifə açan karikaturaları, yaradıcılıq janrlarının məkanını genişləndirərək vyanalılara və mərkəzdə çalışan 100-dən çox ölkənin vətəndaşına müasir Azərbaycan incəsənətinin nailiyyətləri ilə tanış olmaq üçün unikal imkan yaradır.

Əməkdar artist Bəhram Bağırzadə həm də fotoqraf-rəssam kimi tanınır. O, artıq 10 ilə yaxındır ki, Bakının yüz il bundan öncə çəkilmiş şəkillərindən ibarət kolleksiya toplayır.

Buro 24/7