Xəbərlər

Ağstafada iki avtomobil toqquşub, yaralılar varAğstafada üç nəfərin xəsarət alması ilə nəticələnən yol nəqliyyat qəzası baş verib.

1news.az APA-ya istinadən xəbər verir ki, hadisə Bakı-Qazax magistral yolunun rayonun Dağ Kəsəmən kəndi ərazisindən keçən hissəsində qeydə alınıb.

“Niva” və “VAZ2107” markalı avtomobillərin toqquşması nəticəsində 3 nəfər müxtəlif bədən xəsarətləri alıb. Yaralılardan iki nəfəri Qazax Müalicə Diaqnostika Mərkəzinə, bir nəfər isə Ağstafa mərkəzi rayon xəstəxanasına yerləşdirilib.

Faktla bağlı Baş Dövlət Yol Polisi İdarəsində araşdırma aparılır.

1news.az