Xəbərlər

Bakı Nəqliyyat Agentliyi taksi sürücülərinə xəbərdarlıq edib.

1news.az-a Agentlikdən verilən xəbərə görə, "Fərqlənmə nişanı" almadan taksi minik avtomobilləri ilə sərnişindaşımanı həyata keçirən şəxslər barəsində Bakı Nəqliyyat Agentliyi, Daxili İşlər Nazirliyi və Vergilər Nazirliyi tərəfindən qanunla tədbirlər görüləcək.

Bakı şəhərinin inzibati ərazisində taksi fəaliyyəti göstərən hüquqi və fiziki şəxslər tərəfindən "Fərqlənmə nişanı" almaq üçün vergi istənilən bankda ödənilə bilər. Vergi ödənildikdən sonra "Fərqlənmə nişanı" Bakı Nəqliyyat Agentliyinin tabeliyində olan "Nəqliyyatı İntellektual İdarəetmə Mərkəzi" MMC-nin inzibati binasında təqdim edilir.

1news.az