Xəbərlər

Aşura günü biz daha əzəmətli olmalı, düşmənə və zülmə qarşı birləşməliyik.

1news.az-ın məlumatına görə, bunu jurnalistlərə Qafqaz Müsəlmanları İdarəsinin sədri, şeyxülislam Allahşükür Paşazadə deyib.

Aşura günü ilə bağlı “Təzəpir” məscidində keçirilən qanvermə aksiyasında iştirak edən Allahşükür Paşazadə hər il bu aksiyalarda qan verənlərin sayının artdığını bildirərək əlavə edib ki, bu aksiyada məzhəbindən, dinindən asılı olmayaraq hər kəs iştirak edir.

QMİ sədri yaxın vaxtlarda zəruri yerlərdə yeni məscidlərin istifadəyə veriləcəyini də diqqətə çatdırıb:

“Əvvəllər ölkədə məscidlər az olduğuna görə insanlar Aşura günü küçələrə çıxırdı. Amma bu gün Azərbaycanda kifayət qədər məscid var. Buna görə də dini mərasimlər məscidlərdə qeyd olunur. Yaxın vaxtlarda Azərbaycanda zəruri yerlərdə yeni məscidlər istifadəyə veriləcək”.

1news.az