Xəbərlər

“Ölkənin dini mərasimlər keçirilən heç bir məscidində insident qeydə alınmayıb”.

1news.az-ın APA-ya istinadla verdiyi xəbərə görə, bunu Dini Qurumlarla iş Üzrə Dövlət Komitəsinin sədri Mübariz Qurbanlı deyib.

O qeyd edib ki, hansısa xırda hadisələr baş verə bilər. Lakin bu il aşura ilə bağlı tədbirlər tam qanun çərçivəsində, sakit şəraitdə keçirilib.

Komitə sədri bildirib ki, Azərbaycan xalqı bütün dini ayinlərə hörmətlə yanaşır:

“Bu, bizim xalqımızın yüksək mədəniyyət və intellekt sahibi olduğunu göstərir. Azərbaycanda bütün dini təriqətlərdən olan insanlar qanvermə aksiyasında iştirak edirlər. Bu, ölkəmizin dini tolerantlıq və multikultiralizm nümunəsidir”.

1news.az