Xəbərlər

Bir neçə gündür İsmayıllı rayonunun Lahıc qəsəbəsində qorxunca həşəratlar ortaya çıxıb.

1news.az xəbər verir ki, bu barədə qəsəbə sakinləri sosial şəbəkədə məlumat paylaşıblar.

Onların sözlərinə görə, həşəratlar kütləvi şəkildə qəsəbədə peyda olublar. Vəziyyət o həddə çatıb ki, axşam vaxt evlərdə işıq yandıra bilmirlər. Əks halda həşəratlar evlərə hücum çəkirlər.

Qəsəbə sakinlərinin istifadə etdiyi dərmanlar problemə çarə olmayıb. Çarəsiz qalan sakinlər məsələ ilə bağlı aidiyyəti qurumları məlumatlandırıb.

Araşdırmaların nəticələri barədə məlumat veriləcək.

Fərid Ədalət