Xəbərlər

Madrid “Real”ının ulduz futbolçusu  Kriştiano Ronaldo Funşaldan sonra Lissabonda da otel tikdirib.

1news.az apasport.az-a istinadən xəbər verir ki, CR7 şəbəkəsinə aid olan 4 ulduzlu mehmanxananın açılışında 31 yaşlı hücumçunun özü də iştirak edib.

Ronaldo Lissabonda otel tikdirməsini bu şəhərin ona doğma olmağı ilə əlaqələndirib:

“Həyat təkcə futbol demək deyil. Futbol mənim ehtirasımdır, amma gələcək barədə də düşünmək lazımdır. Karyeramın bir hissəsi Lissabonda keçib. Burda 7 il keçirmişəm. Odur ki, Lissabonda otel açmaq şansını əldən verə bilməzdim”.

Qeyd edək ki, Ronaldo 1997-2003-cü illər ərzində “Sportinq”də çıxış edib.

1news.az