Xəbərlər

Bakının Yasamal rayonunda hərəkətdə olarkən alovlanan avtomobil yanğınsöndürənlər tərəfindən söndürülüb.

1news.az Qafqazinfo-ya istinadən xəbər verir ki, Fövqəladə Hallar Nazirliyindən verilən məlumata görə, bir neçə saat öncə Mətbuat prospektində, Azərbaycan Nəşriyyatının qarşısında vətəndaşa məxsus “Peugeut” markalı minik avtomobili gözlənilmədən yanmağa başlayıb.

Hadisə nəticəsində avtomobilin qabaq təkərləri, mühərrikin yanar hissələri, idarəetmə lövhəsi və salonun üzlük hissəsi yanıb. Avtomobilin qalan hissəsi yanğından mühafizə olunub.

Yanğın saat 12:19-da yanğınsöndürənlər tərəfindən söndürülüb.

1news.az