Xəbərlər

Bağdadın şiələr çoxluq təşkil etdiyi rayonlarda baş verən 3 partlayış 17 insanın həyatına son qoyub. 50-dən çoxunu isə yaralayıb.

1news.az-ın Reuters-ə istinadən verdiyi məlumatına əsasən, kamikadze-terrorçu Bağdadın əl-Cədidə küçəsində özünü partladaraq 9 nəfəri öldürüb, 30-dan çoxunu isə yaralayıb.

İraqın paytaxtının Bayaa küçəsində həyata keçirilən daha bir bombalı suiqəsd nəticəsində 6 nəfər həlak olub, 22 nəfər isə yaralanıb.

Mal-qara bazarının yerləşdiyi al-Ravadaniya küçəsinin qırağında qoyulmuş bombanın partladılması nəticəsində isə 2 nəfər həyatını itirib.

Al-Cədidə küçəsində həyata keçirilən partlayışı  öz üzərinə İŞİD terrorçu qruplaşması götürüb, lakin qalan 2 partlayışın kim tərəfindən planlaşdırıldığı haqda xəbər yoxdur.

1news.az