Xəbərlər

Mərkəzi Seçki Komissiyasının (MSK) sədri Məzahir Pənahov seçicilərə, o cümlədən sosial şəbəkə istifadəçilərinə müraciət edib.

 1news.az-ın məlumatına görə, M. Pənahov Konstitusiyada dəyişikliklər edilməsi məqsədi ilə ümumxalq səsverməsinin (referendum) açıq elan etməsi münasibəti ilə keçirdiyi mətbuat konfransında sosial şəbəkə istifadəçilərini hər hansı qanun pozuntusu ilə rastlaşdıqları halda, MSK-ya müraciət etməyə çağırıb:

“Gün ərzində MSK nümayəndələri dairə seçki komissiyaları ilə əlaqə saxlayaraq səsvermənin gedişatını izləyəcəklər. Referendumun yüksək səviyyədə həyata keçirilməsi üçün dairə və məntəqə seçki komissiyaları öz vəzifələrini layiqincə yerinə yetirəcək. Referendumun şəffaf keçirilməsi üçün bütün lazımi tədbirlər görülüb. Vətəndaşların səsvermə ilə bağlı bütün müraciətləri operativ olaraq cavablandırılacaq”- deyə, MSK sədri vurğulayıb.

1news.az