Xəbərlər

Bu gün gecə saatlarında Bakıda kafe və ərzaq mağazasında yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, hadisə paytaxtın Xəzər rayonunda qeydə alınıb.

Belə ki, rayon ərazisində ümumi sahəsi 30 m2 olan kafenin yanar konstruksiyaları, ona bitişik ümumi sahəsi 12 m2 olan taxta konstruksiyadan ibarət yardımçı tikilinin yanar konstruksiyaları və bitişik ümumi sahəsi 120 m2 olan ərzaq mağazasının dam örtüyünün yanar konstruksiyası 0,5 m2 sahədə  yanıb.

Yüksək temperaturdan mağazasının lambirdən ibarət divar üzlüyü 0,5 m2 əriyib.

Kafe, ərzaq mağazasının qalan hissəsi və yaxınlıqdakı tikililər yanğından mühafizə olunub. Yanğın saat 04:07-də yanğınsöndürənlər tərəfindən söndürülüb.

1news.az