Xəbərlər

Həcc ziyarətində olan azərbaycanlı zəvvarların ilk qrupu bu gün geri dönür.

1news.az APA-ya istinadən xəbər verir ki, bu barədə Qafqaz Müsəlmanları İdarəsinin Həcc missiyasından məlumat verilib.

Bildirilib ki, zəvvarları gətirəcək ilk təyyarə reysi bu gün günorta saatlarında Mədinədən havaya qalxacaq.

Bu gün zəvvarları gətirəcək daha bir təyyarə reysinin yerinə yetirilməsi nəzərdə tutulub. Digər reyslər isə sabah və növbəti günə planlaşdırılır.

Qeyd edək ki, bu il sentyabrın 2-dən azərbaycanlı zəvvarların Həccə səfəri başlayıb. Bu il Azərbaycandan gedən zəvvarların sayı 1050 olub.

1news.az