Xəbərlər

Astana şəhərində Qazaxstan, Azərbaycan və Gürcüstan dəmir yollarının inzibatçılıqlarının nümayəndələri Qazaxstanın yükgöndərən, iri operatorları və yük şirkətləri ilə faydalı əməkdaşlıq məsələlərini müzakirə ediblər.

1news.az-ın KAZİNFORM-a istinadən verdiy məlumata əsasən, görüşdə əsasən metal məhsullarının, dən, neft, qaz yüklərinin və həmçinin Qazaxstan, Azərbaycan və Gürcüstan ərazisində konteyner daşımalarına tariflərin endirilməsi müzakirə olunub.

“Biz idxal və ixrac mallarının nəql edilməsi üçün yaxşı şərait təklif etmyə hazırıq. Məsələn, cari ilin sonunda biz Gürcüstanın dəmir yollarından Türkiyəyə birbaşa keçid açırıq. Bununla da, Türkiyənin cənub limanlarına, Şimali Afrikaya və ərəb öıkələrinə yol açılır”, - deyə Azərbaycan Dəmir Yollarının rəhbərinin müavini İqbal Hüseynov qeyd edib.

Öz növbəsində, Qazaxstanın “Солтүстік” sosial sahibkar şirkətinin nümayəndəsi Anuar Hamitov onların təkcə Qazaxstan üzrə işləmədiklərini qeyd edib.

“Ən böyük buğda barı bizdədir. İndi isə biz onu Fars körfəsi ölkələrinə ixrac etməyi planlaşdırırıq. Hal-hazırda danışıqlar gedir Azərbaycan və Gürcüstan dəmir yollarının nümayəndələri ilə yük tarifləri bağlı razılıq əldə edirik. Nəticələr var. Bizə imtiyazlar, endirimlər təklif edirlər”, - deyə A.Hamitov əlavə edib.

Qeyd edilir ki, Qazaxstan, Azərbaycan və Gürcüstanın yük göndərən qurumları və dəmir yolları ilə qurulan birbaşa əlaqələr daşımaların təmin edilməsində yaranan məsələləri daha tez və effektli həll etməyə imkan yaradacaq.

1news.az