Xəbərlər

“Azərxalça” ASC İsmayıllı şəhərində yeni xalça fabrikinin inşasına başlayıb.

1news.az Azərtac-a istinadən xəbər verir ki, xalça fabriki şəhərin Əfzələddin Xaqani küçəsində tikilir.

Burada xalça sənaye üsulu ilə istehsal olunacaq. Bu məqsədlə 0,48 hektar torpaq sahəsi ayrılıb. Bunun 1204 kvadratmetrində tikinti işləri aparılacaq. Layihədə 440 kvadratmetrdən ibarət toxuculuq zalı, sərgi və konfrans salonları, yeməkxana və digər məişət otaqları nəzərdə tutulub.

170 nəfər xalçaçının işləyəcəyi fabrikdə Azərbaycanın ən qədim, zərif, incə naxışlı toxuculuq məhsulları hazırlanacaq.

1news.az