Xəbərlər

Daşkəsən sakininə məxsus tövlədə yanğın olub.

1news.az-ın məlumatına görə, Daşkəsən rayonunda vətəndaşa məxsus ümumi sahəsi 60 m2 olan tövlənin çardağının yanar konstruksiyaları 30 m2 sahədə, çardağın altına yığılmış 800 kq ot bağlamasının 200 kq-ı və 1 kub taxta yanıb.

Yanğın zamanı yanğınsöndürənlər tərəfindən tövlədə olan 3 baş iribuynuzlu və 10 baş xırdabuynuzlu heyvan xilas edilib.

Tövlənin və ot bağlamasının qalan hissəsi yanğından mühafizə olunub.

1news.az