Xəbərlər

Somalinin paytaxtı Moqadişuda yerləşən hava limanında şiddətli partlayış baş verib.

1news.az Reuters-ə istinadən xəbər verir ki, partlayışdan sonra silah səsləri eşidilib.

Məlumata görə, silahlı şəxslər hava limanı yaxınlığında yerləşən Afrika Birliyi Sülh Gücü binasına hücum etməyi planlaşdırırmış.

Hadisə nəticəsində ən az 13 nəfərin öldüyü bildirilir. Yaralılar barədə dəqiq məlumat yoxdur.

Partlayışı “Əl Şəbab” terrorçu qruplaşması öz üzərinə götürüb.

1news.az