Xəbərlər

Ukrayna Qeyri-Hökümət Təşkilatları Assosiasiyası faşist generalı Njde kimi tanınan Qaregin Ter Arutunyana Ermənistanın paytaxtı Yerevan şəhərində  heykəl ucaldılması ilə bağlı etiraz bəyanatı yayıb.

1news.az-ın məlumatına görə, bəyanatda  Qaregin Njdenin faşist ordusu sıralarında fəaliyyəti barədə məlumat verilib və bildirilib ki, Ermənistan Parlamentinin sədr müavini Eduard Şarmazanov Njdeni Ermənistanın müstəqilliyi yolunda mübarizə aparan milli qəhraman və vətənpərvər şəxs kimi təqdim edib.

“Nasist ideologiyasını və Holokos faciəsini araşdırmış professor Efraim Zurov “The Jerusalem Post” qəzetində Njdenin həqiqətən nasistlərlə əməkdaşlıq etdiyini, Krımda və Qafqazda erməni legionunun komandirlərindən biri olduğunu qeyd edib. O bildirib ki, nasistlərlə birgə II Dünya Müharibəsinin gedişində kütləvi qırğınlarda iştirak etmiş Njdeyə heykəl qoyulmasını qınamalı, nasistlərlə əlbir olan və  3-cü reyxə kömək edənlərə qarşı çıxış etməliyik.

Yerevanda Njdenin adını daşıyan prospekt, meydan, metro stansiyası və həmçinin Sunik rayonunda bir kənd mövcuddur. Bu da nasistlərə qarşı mübarizə aparmış və  həlak olmuş müharibə iştirakçılarının xatirəsinə təhqirdir”- deyə, bəyanatda bildirilir.

Bəyanatda Ukrayna Qeyri-Hökümət Təşkilatları Assosiasiyası nasist ideologiyasının təmsilçisi olmuş Nidenin erməni xalqının qəhrəmanı kimi təbliğ edilməsini pisləyib, eləcə də Ukrayna ictimaiyyətini bu məsələyə münasibət bildirməyə çağırıb.

1news.az