Xəbərlər

2016/2017-ci tədris ili üçün ali təhsil müəssisələrinin və Azərbaycan Milli Elmlər Akademiyasının magistraturalarına ixtisaslaşma seçimi başa çatıb.

1news.az-a Tələbə Qəbulu üzrə Dövlət Komissiyasından (TQDK) verilən xəbərə görə, 6 min 401 bakalavr elektron ərizəsinə daxil olaraq ixtisaslaşma seçimi etsə də, yalnız 6 min 336 nəfər ərizəsini təsdiqləyib. Onlardan 5 min 734-ü Azərbaycan, 602-si isə rus bölmələrinin bakalavrlarıdır.

M.V.Lomonosov adına Moskva Dövlət Universitetinin Bakı filialına qəbul olunmuş bakalavrların siyahısı TQDK-ya təqdim olunduqdan sonra ümumi müsabiqə aparılacaq və nəticələr elan ediləcək. Bakalavrlar öz nəticələri ilə TQDK-nın internet saytında və ya iş nömrəsini 7727 nömrəsinə göndərməklə tanış ola biləcəklər.

Qeyd edək ki, “ADA” Universitetinə və M.V.Lomonosov adına Moskva Dövlət Universitetinin Bakı filialına qəbul olunmuş bakalavrlar ümumi müsabiqədə iştirak hüququnu itirirlər.

Müsabiqəyə yalnız “Bakalavrın elektron ərizəsi”ndə ixtisaslaşmaları seçən və təsdiqləyən bakalavrlar buraxılacaqlar.

1news.az