Xəbərlər

Bu gün səhər saatlarında Bakının bəzi küçələrində nəqliyyat vasitələrinin sıxlığı yaranıb. Paytaxtın mərkəzi küçələrində isə bu həftə başlayacaq “Formula-1”  beynəlxalq yarışı ilə əlaqədar hərəkət məhdudlaşdırılıb.

1news.az-a Nəqliyyatı İntellektual İdarəetmə Mərkəzindən (NİİM) verilən xəbərə görə, hazırda Bülbül prospekti (“Sahil” metro stansiyasının qarşısı), Azadlıq prospektinin Üzeyir Hacıbəyov küçəsi ilə kəsişməsi, Zərifə Əliyeva küçəsinin Səməd Vurğun küçəsi ilə kəsişməsi, habelə Neftçilər prospektinin Əziz Əliyev küçəsi (Qoşa Qala qapısı istiqamətində) ilə kəsişməsindəki yollar avtomobillərin hərəkəti üçün bağlıdır.

Eyni zamanda, paytaxtın Mikayıl Hüseynov prospekti (mərkəzə doğru, alternativ olaraq Dövlət Dəniz Administrasiyası istiqamətində hərəkət mümkündür), Binəqədi şosesi və Ziya Bünyadov prospektində (hər iki istiqamətdə) avtomobillərin hərəkətində nisbi sıxlıq müşahidə edilir.

1news.az