Xəbərlər

IB Club Sumqayıt, Sumqayıt Dövlət Universitetinin Karyera Mərkəzinin və Ekologiya və Təbiətdən İstifadə kafedrasının birgə təşkilatçılığı ilə 23 may Ekologiya və Təbii Sərvətlər Nazirliyi işçilərinin peşə bayramı münasibəti ilə Sumqayıt Dövlət Universitetində elmi-praktiki konfrans keçirilib.

ERtv.Az xəbər verir ki, konfransda Ekologiya və Təbii Sərvətlər Nazirliyinin 4 saylı ərazi idarəsinin nümayəndəsi Elmar Musayev çıxış edərək ölkədə aparılan ekoloji siyasətin mühüm tərkib hissələrindən söz açıb.

Sumqayıt Ekoloji Tərbiyyə və Təcrübəçilik Mərkəzinin rəhbəri Emilya Səfərəliyevanın təqdimatında həyata keçirilən seminarda Milli Təhsil Konsepsiyasında da gənc nəslin ekoloji təhsil və tərbiyəsinə xüsusi diqqət yetirilirdiyini vurğulanıb.

E.Səfərəliyeva ekoloji maarifçiliyə böyük ehtiyac olduğunu qeyd edərək hər kəsin müəyyən ekoloji biliklərə yiyələnməli, əhalidə ekoloji dünyagörüş formalaşmalı, təhsilin ayrı-ayrı pillələrində ekoloji təlimin həyata keçirilməsi təmin edilməli olduğunu vurğulayıb.

Tədbirdə IB Club Sumqayıtın layihələr üzrə meneceri Rauf Əliyev, Sumqayıt Dövlət Universitetinin Karyera Mərkəzinin rəhbəri Zahid Bünyadov, Azərbaycan Respublikası Ekologiya və Təbii Sərvətlər Nazirliyinin 4 sayl ərazi idarəsinin rəsmiləri və Ekologiya və Təbiətdən İstifadə kafedrasının tələbə və müəllim heyəti iştirak edib.

Qeyd edək ki, Azərbaycan Respublikası Ekologiya və Təbii Sərvətlər Nazirliyi işçilərinin peşə bayramı 2007-ci il 16 may tarixində Cənab Prezident İlham Əliyev tərəfindən  imzalanmış Sərəncama əsasən hər il may ayının 23-ü qeyd olunur.