Xəbərlər

19-22 may tarixlərində Gürcüstanın Batumi şəhərində keçirilən Dünya Döyüş növləri oyunlarında Azərbaycanın Kempo komandası da iştirak edib.

ERtv.Az xəbər verir ki, Azərbaycan komandası yarışda 2 məşqçi və 6 idmançı ilə təmsil olunub.

Azərbaycan Kempo təşkilatının mətbuat xidməti rəhbəri Fuad Rəsulun verdiyi məlumata görə, yarışda 28-ə yaxın ölkənin idmançıları iştirak edib. Yarışın nəticələrinə görə, İbrahimli Toğrul Rauf oğlu 55 kg çəkidə 1 yer (MMA), Allahverdiyev Cavid Ramiz oğlu 61 kg-da 1 yer (MMA), Məmmədzadə Xəyal Novruz oğlu 75 kg-da 1 yer (Grappling), Sadıqzadə Ülvi  Adil oğlu 80 kg 1 yer (Grappling), Əlizadə Orxan Sədrəddin oğlu (OPEN)  1 yerin (Grappling) sahibi olaraq, komanda hesabında 3-cü yerin qalibi olublar.

Qeyd edək ki, mötəbər Dünya Döyüş növləri oyunlarında komandaya “Beynəlxalq Kempo Federasiya”sının  Azərbaycanda rəsmi səlahiyyətli nümayəndəsi, Azərbaycanda Kempo təşkilatının rəhbəri Rauf İbrahimov başçılıq edib.

İdmançılarımız bu gün Vətənə dönəcək.