Xəbərlər

Azərbaycan prezidenti İlham Əliyev Fransa prezidenti Fransua Ollanda başsağlığı verib.

ERtv.Az AZƏRTAC-a istinadən xəbər verir ki, başsağlığı məktubunda deyilir:

"Hörmətli cənab Prezident, Parisdən Qahirəyə uçan sərnişin təyyarəsinin qəzaya uğraması nəticəsində həmvətənlərinizin həlak olması xəbərini kədər hissi ilə qarşıladım.

Bu faciə ilə əlaqədar Sizə, həlak olanların ailələrinə və yaxınlarına öz adımdan və Azərbaycan xalqı adından dərin hüznlə başsağlığı verirəm".

İlham Əliyev həmçinin Misir Ərəb Respublikasının prezidenti Əbdülfəttah əs-Sisiyə də başsağlığı verib. Başsağlığı məktubunda deyilir:

"Hörmətli cənab Prezident, “EgyptAir” şirkətinə məxsus təyyarənin qəzaya uğraması nəticəsində çoxsaylı insan tələfatı xəbəri məni olduqca kədərləndirdi.

Baş vermiş bu faciə ilə əlaqədar Sizə, həlak olanların ailələrinə və yaxınlarına öz adımdan və Azərbaycan xalqı adından dərin hüznlə başsağlığı verirəm.

Allah rəhmət eləsin!"