Xəbərlər

Ən böyük nəqliyyat təyyarəsi An-225 “Mriya” Avstraliyaya ilk kommersiya reysinə uçub.

ERtv.Az Milli.az-a istinadən xəbər verir ki, təyyarə Kiyev-Praqa-Türkmənbaşı-Heydərabad-Cakarta-Pert marşrutu ilə uçur.

Ukraynadakı “Antonov” dövlət müəssisəsindən verilən məlumata görə, An-225 “Mriya”nın ağırlığı 640 tondur və o, həm də dünyanın ən ağır təyyarəsi sayılır.

Uzunluğu 84 metr olan təyyarənin qanadlarının uzunluğu 88 metrdir. 6 mühərrikli A-225 təyyarəsi 10 tankı daşıya bilir.

Qeyd edək ki, ABŞ-ın Kaliforniya ştatındakı Mohava aerokosmik limanında “Scaled Composites” şirkəti hazırda dünyanın ən ağır və böyük nəqliyyat təyyarəsi olacaq “Stratolaunch”ı inşa etməkdədir.