Xəbərlər

Siyahıda dünyanın 209 yığması yer alıb.

 

Sonuncu dəfə aprelin 7-də dərc olunan cədvəldən sonrakı 28 gündə yığma səviyyəsində çox az oyun keçirildiyi üçün siyahıda ciddi dəyişiklik olmayıb.

 

Aprel ayında heç bir oyuna çıxmayan Azərbaycan yığmasının xal hesabı dəyişməsə də, reytinqdə 1 pillə irəliləyiş olub.

 

Komandamız 269 xalla 133-cü pillədə qərarlaşıb. Ötən ay 134-cü olan komandamızın bu irəliləyişinin səbəbi Küveytin 14 pillə geriləməsidir. Asiyalılar 126-cı yerdən 140-cı pilləyə yuvarlanıb. Yığmamız 28 gün əvvəl olduğu kimi yenə mövqeyini Svazilendlə bölüşür.

 

Dünyanın ən güclü 10 komandasının mövqeyində də isə heç bir dəyişiklik olmayıb.

 

İlk “onluq”

 

1 (1). Argentina – 1532

2 (2). Belçika – 1364

3 (3). Çili – 1353

4 (4). Kolumbiya – 1337

5 (5). Almaniya – 1309

6 (6). İspaniya - 1277

7 (7). Braziliya – 1261

8 (8). Portuqaliya – 1184

9 (9). Uruqvay - 1158

10 (10). İngiltərə - 1069

 

Qeyd edək ki, qonşu Türkiyə yığması 13-cü yerdə qərarlaşıb. Mövqeyi dəyişməyən “ay-ulduzlular” 983 xala malikdir.