Xəbərlər

lenta.ru-ya istinadən xəbər verir ki, “Mançester Yunayted”in oyunçusu Xuan Mata futbolçuların yüksək maaaşından və anormal həyat tərzindən şikayətlənib:

“Komandamızın oyununa biletin qiyməti 40 funtdur (57,5 dollar). Bu, az deyil. İnsanlar müasir futbolu bəyənmədiklərini söyləyəndə, mən onları başa düşürəm.

Başqalarına hörmətlə yanaşsaq da, biz ağlagəlməz, əksəriyyət üçün əlçatmaz  pullar qazanırıq. Mən “sabun köpüyündə”, dostum isə real həyatda yaşayır.

O, özünə iş axtarmalı, gəzməli, dolaşmalıdır, iş tapana qədər müavinət almalıdır və sair – bu, normaldır. Mənim futbolçu həyatım isə anormallıqdır.

Mən futbolu, məşq etməyi və mübarizə aparmağı çox sevirəm. Amma biznesin futbola bu qədər təsir etməsini istəmirəm.

Əgər biznesin futbola təsiri aradan qalxsa, maaşımın azalmasını sevinclə qarşılayaram”.

Xatırladaq ki, X.Mata “Mançester Yunayted”də həftəyə 201 min dollar qazanır.