Xəbərlər

Həmyerlilərimizdən ən yaxşı nəticə bu dəfə də Şəhriyar Məmmədyarova məxsusdur. Qrossmeysterimizin ötən ayla müqayisədə mövqeyi dəyişməyib və 18-ci pillədəki yerini qoruyub. Buna baxmayaraq, o, aktivinə 3 reytinq xalı da əlavə edib – 2750.

Məmmədyarovdan fərqli, yarışlara mütəmadi qatılmayan Teymur Rəcəbov (2726) bir pillə də aşağı düşüb. O, hazırda 27-cidir. Yığmamızın digər üzvləri - Arkadi Naydiçlə (2660) Eltac Səfərli (2656) də geriləyənlər sırasındadır. Onlar müvafiq olaraq, 88-ci (-20) və 96-cı (-11) yerə eniblər.

Reytinq siyahısının ilk “üçlüy”ündə isə dəyişiklik olmayıb. Siyahıda yenə Maqnus Karlsen (Norveç, 2851) birinci, Vladimir Kramnik (Rusiya, 2801) ikinci və Fabiano Karuana (ABŞ, 2795) üçüncüdür.

Qeyd edək ki, qadınların cədvəlində ən güclü 100 şahmatçı arasında Azərbaycan təmsilçisi yer almayıb.