Xəbərlər

Mədəniyyət və Turizm Nazirliyinin təşəbbüsü ilə keçiriləcək tədbir aprelin 1-də saat 19.00-da Milli İncəsənət Muzeyində baş tutacaq.

Sərgidə rəssamın “Yaşıl çay plantasiyası”, “Bakı”, “İslam memarlıq abidəsi”, “Karfagen  yaxınlığında”, “Sahil”, “Cənublular. Sosialist yarışmasının qalibləri”,“Qəhrəman sələfimiz”, “Kür  mənzərəsi”, “Torpağın oyanması” kimi tabloları  nümayiş olunacaq.

Qeyd edək ki, ömrünün 50 ilindən çoxunu Azərbaycanın təsviri sənətinin inkişafına və təbliğinə həsr etmiş Cahangir Rüstəmov 1926-cı ildə Şəki şəhərində anadan olub. 1939-1944-cü illərdə Əzim Əzimzadə adına Azərbaycan Dövlət Rəssamlıq Məktəbini müvəffəqiyyətlə bitirib.

Rəssamın yaradıcılığında əsas yer əmək mövzusuna verilib. Milli koloriti, emosional ruhu  ilə seçilən “Üzümlük”, “Çay becərənlər”, “Tarla  zəhmətkeşləri”, “Balaca köməkçi”, “Kolxozçular”, “Dağlarda”, “Şahdağ”  və digər tabloları sənətşünaslar və  sənətsevərlər   tərəfindən   bəyənilib, ona şöhrət gətirib. Onun əsərlərində rəng qammaları ilə süjetin arasında xüsusi bir səsləşmə mövcuddur.

Təsviri sənətimizin inkişafındakı xidmətlərinə görə Cahangir Rüstəmov 1982-ci ildə əməkdar rəssam, 2004-cü ildə isə xalq  rəssamı fəxri adlarına layiq görülüb.

Cahangir Rüstəmov 2007-ci ildə 81 yaşında vəfat edib.